Wil jy graag 'n pragtige temakoek vir jou kind se verjaardag maak, maar jy is nou nie juis 'n bobaas-bakker nie?

Die koeke in Prettige koekies sal ouer- en kinderharte verbly, want die uiters indrukwekkende projekte vereis absoluut geen baktalent nie! Projekte soos 'n koekiekasteel, 'n seerowerskip, 'n meermin en 'n trein word stap vir stap gebou met winkelkoekies wat in elke supermark beskikbaar is.

Elke projek bevat gedetailleerde, geillustreerde stappe vir driedimensionele koeke bestaande uit koekies en plastiekversiersel.